Eða Look who´s naked eins og Elva vinkona mín segir alltaf...
Þetta eru fáránlegir þættir alveg hreint sko... Hefur einhver séð FEITA konu í þessum þáttum??? Nei hélt ekki, þær eru kannski með smá skvap í byrjun og sama hvað Gock Van eða hvað hann heitir segir, þá pottþétt fara þær í vörkát því þær eru alltaf orðnar miklu mjórri og flottari þegar þær fækka fötum... Hann tekur alltaf mjóar konur og gerir þær ennþá mjórri...
Þannig að þetta er fake eins og allt svona reality dót...
Ég sæi mig í anda spranga um með mitt og mín bara úbbíbú og fínerí... Ég er hrædd um að Gock minn myndi ekki einu sinni nenna að eyða orðunum - " So Eydís, do you look good naked???" nibb don´t think so...

En annars, er að horfa á In plain sight... magnaðir þættir... 

Gekk ekki alveg nógu vel í prófi... Er búin að skíta upp á bak í öllu sem ég geri... Sama hvað ég geri, þá bara get ég ekki gert nógu vel... ég gæti gubbað... ég legg endalaust á mig og ekkert, ekkert kemur í staðinn... Bara endalaus vonbrigði og vesen... 

En jæja, tuð búið, kem mér í háttinn... Ciao

p.s. verð að koma með smá - ég var að reyna að muna hvaða hópum núkleótiðin í DNA fylgja... Það eru semsagt 4 og ég mundi að A er á móti T og G a móti C. En mundi ekki alveg hvað af þeim eru púrín og hver pýrimidín. Þannig að ég bjó til leik... Þannig var að AgGi á Hörgshóli var púrín... (A-G) hehe og þannig mundi ég það.
Svo í prófinu í morgun, bara hmm já alveg rétt - Aggi er púrín... :) 

Jæja þá eru prófin að koma... aðeins örfáir dagar í fyrsta próf...

Stóðréttirnar voru æðislegar og ballið var GEGGJAÐ... ég myndi setja myndir inn ef það væri ekki HELMINGURINN af liðinu búinn að banna mér að setja myndirnar inn... :(

En já læri smæri er allt sem málið snýst um þessa dagana, er reyndar búin að vera með upp og niður síðan í gærmorgun... það er ekki gaman... Svo er Jaran mín að fara frá mér á morgun og verður í burtu í viku... búhúhú... það verður mjöööög skrítið að vera án hennar svona lengi...

Myndir dagsins eru sýnishorn úr rétt og balli... og þar sést hvað það var rosalega gaman - ég tek fram að ég tók 173 myndir í réttum og af balli... ví og eiginlega allar eru góðar... ;)

Ég hlakka svo rosalega til helgarinnar... ég bara hreinlega get ekki beðið... Það verður svo gott að hugsa um annað en að læra... Ég er einmitt búin að ver aá fullu núna til þess að ég geti skemmt mér aðeins um helgina... nú á ég bara eftir að fínpússa einn fyrirlestur og er að pæla að fá að flytja hann á morgun í stað þess eftir viku... Svo á ég bara eftir að gera einn fyrirlestur og tvær ritgerðir og þá er þetta komið...

Helgin verður, ef allt fer eins og það á að gera, þannig að á föstudaginn ætla ég í stóðsmölun með Guddu minni og Hjöddu minni líka... svo á laugardaginn ætla ég að sleppa réttinni til að læra svo ég geti farið á afmælið hennar Anítu á laugardagskvöldið og svo á BALL... jei það verður svo gaman...

En ég var á msn í morgun og þá komst ég að því að það er snjór heima!!! það verður skrítið að fara heim og sjá snjó... ég get eiginlega ekki beðið...
Myndir dagsins eru frá Ingunni sem hún sendi mér í gegnum msnið til að ég gæti séð snjóinn... ví
kuldakveðjur af Eyrinni...
Dísa

Jáhh... mér skilst að ég sé að fara á þessa mynd með pottaklúbbnum mínum - vííí hlakka mikið til... það verða klukkutímar í frí frá lærdómi sem verða mjög vel þegnir...
Ég vil lýsa yfir óánægju minni með árshátíð Þyts, þar sem að mér var tjáð að hún væri seinnipartinn í nóvember og ég skipulegg systkinabarnamót á Kollsá 1. nóv og svo bara kemur á daginn að árshátíðin er bara 1. nóvember... jei
EKKI ÁNÆGÐ

En gleðiefni dagsins er - ÉG ER AÐ FARA HEIM Á MORGUN AÐ ÓMMÆLA LÖMBIN - GET EKKI BEÐIÐ
það verður æði gæði...

Myndir dagsins eru af Vídalín mínum...

Gáta dagsins er:

Madness is like gravity, you know, all you need is a little - push!!!

hver sagði þessi orð og úr hvaða mynd eru þau???

Haldiði að ég sé ekki bara að fara að fá folald undan þessum tveimur - vííííí - ég er bara búin að safna í ár... þannig að næsta sumar verður magnþrungin spenna :)

nú er keppnin komin niður í þessi þrjú nöfn

Stormskör

Sunna

Salka (gott nafn Rakel ;) )

Endilega kjósið um þessi þrjú nöfn...

Jæja það er kannski kominn tími á blogg??? Ella sagði að ég væri heimsins latasti bloggari, er farin að halda að það sé barasta satt. Ég hef bara eiginlega ekki haft mjög mikið að segja, er búin að vera önnum kafin undanfarið.
Á næsta leiti eru göngur og þá verður fjör - ég get ekki beðið eftir að fá féð af fjalli svo maður geti farið að vigta og svoleiðis fjör. Haustið er uppáhalds tíminn minn, það er algjörlega uppáhaldstíminn minn. Það er svo gaman að fá lömbin af fjalli, sjá þyngdina á þeim og hvernig þau stigast.

En annars hefur bara lítið verið að ske, ég fór á réttarball í Ásbyrgi sem var mjög skemmtilegt. Sólon var mjööög góð og gaman að sjá hversu fullt fólk getur verið.  

En annars ætlaði ég bara að láta vita af mér og  segja ykkur að ég NÁÐI ÁBURÐARFRÆÐIPRÓFINU víví. Ég er mjög fegin að hafa náð því. Ég bið að heilsa ykkur og ég vel endilega að þið svarið spurningu dagsins.

Spurning dagsins:

Á myndunum hér að ofan sjáið þið litlu hryssuna mína. Hún er undan Urtu og Gretti. Hún átti sko að vera hestur og heita Stormsker en svo varð hún bara hryssa. Ég hef kallað hana Stormskör síðan hún fæddist en er ekki viss hvort það sé nógu gott nafn. Hvað skal hún heita? Mig langaði að láta hana heita einhverju S - nafni, því að bróðir hennar heitir S - nafni, gaman að hafa svona reglu á nöfnum. En annars eru nokkur önnur - ef ykkur dettur líka eitthvað annað í hug, let me know. Þið verðið að svara mér...

1. Stormskör
2. Sunna
3. Sævör
4. Sera
5. Salín

6. Maren
7. Mist
8. Marlín

9. Álfrún
10. Ásvör
 
Æi og alveg trilljón fleiri - en allavega, gefið mér hint hvað ykkur finnst flottast á hana...  

er á næsta leiti. Ví hvað það verður gaman. Hjá mér er búið að vera fjör undanfarið, var í staffapartýi á þriðjudaginn og er ennþá að jafna mig. (og ábyggilega einhverjir fleiri) 

Annars erég bara á fullu með hinum gellunum í kvennareiðarnefnd að gera allt klárt, og líka að gera hestana fyrir konurnar mínar ready og svo þarf að flytja þá á morgun og svona - þetta verður svaka gaman vona ég. 

Svo er bara próf próf í næstu viku. vonandi gengur mér betur núna (ef ég myndi fara að drullast til að læra) og svo er ég að fara að flytja - ég er mjög spennt en þó örugglega ekki eins spennt og Einararnir mínir sem eru báðir að fara á límingunum við tilhugsunina að skólinn er að byrja. 

Ég fann bréf áðan sem ég hafði fengið - ohh hvað ég verð stundum pirruð - ég bara á ekki að fá pening með einhverjum öðrum hætti en að þræla fyrir hann - Húnasjóður - neibb ekki fékk ég úr honum, neibb aldeilis ekki enda er ég nú bara einstæð móðir að fara að leigja rándýra íbúð og er að taka tvær B.S. gráður en - JÁ ALVEG RÉTT, ÞAÐ ER ÁBYGGILEGA AF ÞVÍ AÐ ÉG FÆ VAXTABÆTUR!!! hmrpf - það er nú eitt dæmi um peninga sem ég fæ ekki - húsaleigubætur - ég fæ þær ekki af því að ég fæ vaxtabætur, vaxtabæturnar eru bæ þe vei 23.000 á ári!!!!!!!!!!!!!!!!!!!!!! jebbs dugar mér mjööög vel og einmitt til að minnka leiguna á mánuði. 

Vitiði, þetta pirrar mig næstum því jafn mikið og frosthringirnir í brauðum dagsins í kaupfélaginu - það er algjör dýrðardásemd þegar maður fer í kaupfélagið, glorhungraður og kaupir sér brauð eða rúnstykki, klöngrast upp stigann aftur og sest, sker í sundur og viti menn FROSTHRINGUR, þurrt og hart brauð - alveg dásamlegt. Ég þramma kolvitlaus niður aftur og húðskammast og greyi liðið bara, en hérna sko þetta er samt brauð síðan í dag. Dásamlegt - ég er einmitt að kaupa það að brauð sem er þurrt og með frosthring sé bara nýkomið úr ofninum. og hana nú!!! (sagði hænan þegar hún lagðist á bakið)

Versló var bara helvettttans fín - ég og guddan skunduðum með erfingjana okkar í bústað til M og Ingunnar og erfingjanna þeirra. Það var alveg rosalega gaman og mikið hlegið. Á sunnudeginum var svo farið á ball á Steinsstöðum með Geira Vall og var það hin mesta skemmtun - mér fannst samt eiginlega leiðin fram og til baka skemmtilegust og myndbandið sem við eigum eftir það er eitt það fyndnasta sem ég hef séð.

Annnars er svosum ekkert nýtt að frétta, skólinn að fara að byrja og ég er EINUNGIS í 4 fögum fyrri önnina og svo fékk ég að vita í dag að prófin eru bara í eina viku núna svo það verður sko nóg að gera. En ég er bara orðin spennt að komast frá Hvammstanga þar sem maður heyrir sögur um sinn fyrrverandi alla daga, um allar nýju konurnar og bara loka sig af á Hvanneyrinni sinni með öllum snillunum þar. EKki það að ég á eftir að sakna MARGRA hér og ekki veit ég hvað við Júlía eigum eftir að gera án Tóta kokks og Guddunnar okkar.

En annars get ég ekki beðið eftir haustinu - smala, myrkur, vigta, sónarmæla og fleira í þeim dúr...

Hvernig var versló hjá ykkur? mig langar mikið að heyra dirty details...

I´m so happy
Oh so happy,
So happy and pretty and great...

Lífið er dásamlegt skal ég ykkur segja...  
Vitiði hvað líka, það er ótrúlegt hvað vinir geta gert fyrir mann...
Vitiði eitt í viðbót, það er ótrúlegt hvað maður getur jafnað sig og komist úr aðstæðum með því að vera yndislegur og bestur...