verður á LM..............................

Jámm, LM bara að skella á og ég ekki að fara, allavega ekki strax. Ég hef svosum ekkert að segja nema að ég og Júlía erum bústjórar í Grafarkoti og á Syðri - Völlum. Það er sko fullt af ábyrgð sem er skellt á mann.

Helgin var ágæt alveg. Laugardagskvöldið einkenndist af pottaferð og fullum kellingum... mjög fyndið. Nokkrir punktar: Ógeðsforeldrar, PARTÝ Á KLAPPARSTÍG, drama drama og oj ógeð... Einnig einkenndist þessi helgi af lygum og TONNUM af nýjum upplýsingum og einnig erfiðleikum en það lagast... hehe kannski á miðvikudag... 
eeen allavega, hverjir koma með á landsmót?

Hverjir ætla???

Björk & Sigur Rós

   28. júní 2008
               Þvottalaugabrekkan í Laugardal
                               kl. 17.00

Já ég skal sko segja ykkur það... af kellunni er svosum lítið að frétta, bara á fullu í vinnu og að leika við barnið mitt og ríða út... Ég fór í alveg hreint frábæra hestaferð um helgina og með alveg frábæru fólki skal ég ykkur segja – þetta var alveg æði gæði. Ég var með 10 hesta sjálf og enginn af þeim var leiðinlegur allt alveg yndisleg hross. Ég var svo góð og leyfði Tótu að prófa Karda minn og býst ég við að hún sé komin á listann yfir þá sem vilja kaupa hann. En annars er undirbúningur morgundagsins búinn að vera efst á baugi í kvöld hjá mér. Það verður firmakeppni á morgun og svo ræktunarbússýning um kvöldið.  

Annars langar mig aðeins að pústa. Ég er mjög óheppin manneskja. (hef samt gert mér þetta allt saman sjálf) Ég hlýt að hafa gert eitthvað mjög vont í gegnum tíðina þar sem að ég trúi mikið á karma.
Ég er semsagt með mjög ónýtt bak, brjósklos og mikla vöðvabólgu. En ég get svosum kennst sjálfri mér um það þar sem að ég er svo hokin alltaf til að fela mig að ég er búin að eyðileggja líkamann. (ekkert grín að vera 1.73 á hæð og breidd sko) Ég er með vefjagigt, stundum mjög slæma og má þá ekki snerta mig því þá finn ég til. Það skiptir ekki máli hvar ég er snert, sársaukinn er mjög mikill og varir lengi á eftir, verst er þó þegar fólk potar í rifbeinin eða á milli – það er killer. Verst er þó með þessa djöfulsins vefjagigt að hún sést ekki og þess vegna skilur fólk ekki af hverju ég er að drepast ef ég er snert.

Einnig er ég með Psoriasis, sem þessa stundina er eiginlega orðinn uppáhaldssjúkdómurinn minn. Þessi ógeðslega ógeðslegi sjúkdómur er, æi ég veit ekki hvernig ég á að lýsa honum, hann er eiginlega bara vangefinn. Þú getur aldrei séð fyrir hvað gerist næst með hann í fararbroddi. Núna til dæmis er ég öll að steypast í viðbjóð og kláðinn er eftir því. Hársvörðurinn er þakinn og ég er að sturlast úr kláða. Verst af öllu finnst mér eiginlega draslið inni í eyrunum, það er pirringur sem getur gert mig brjálaða. Í kvöld reif ég af eyranu, skinn klump og tók þá óvart ysta húðlagið með þannig að það er geðveikt mjúkt undir – það var reyndar gott því þá fór kláðinn og sviði kom í staðinn sem er ágætistilbreyting frá afskaplega leiðigjarnri rútínu. Þetta get ég líka kennt mér um þar sem ég er stresshaus dauðans. Ég var samt að byrja í geislaljósum í síðustu viku og held ég í vonina að töfralausnin mín sé komin.

Ég er með áreynsluastma, sem er áunninn þar sem að ég var með berkjubólgu ( A – týpíska lungnabólgu ) frá maí til ágúst eitt sumarið án þess að láta athuga mig. Ég veit ekki af hverju ég lét ekki athuga mig þar sem að ég gat ekki labbað nema 10 skref án þess að fá hóstakast og æla. Þetta er svona það helsta sem er að mér þessa dagana, fyrir utan tvennt sem er ekki birtingarhæft. Ég varð bara aðeins að vorkenna sjálfri mér þar sem ég er hársbreidd frá því að bugast. Algjörlega.
Ég veit líka alveg að ég á ekki að vera að kvarta. Það eu margir aðrir sem eru miklu verr staddir, en þeir eiga ekki þetta blogg heldur ég og ég má þess vegna alveg pústa...

En jæja gengur ekki, upp með grímu og höfum gleði á morgun...

Myndir dagsins eru af Salvör gullfallegu merinni minni og litlu nýfæddu Grettisdóttur minni

Ég sendi hér með út MAJOR hjálparbeiðni!!! Mig vantar einhvern / einhverja til að hjálpa mér að leggja lokahönd á þrif og flutninga á Hvanneyri - þeir sem eru svo yndislegir og góðir að koma með mér og hjálpa mér fá að launum ógleymanlegt roadtrip með mér og boð í afmælisveislu barnsins míns (er sko alltaf með ógeðslega góðar kökur)  sem er BY THE WAY  að verða tveggja ára á laugardaginn... Vá hvað tíminn líður hratt...
Ég verð líka að deila með ykkur nýjustu gleði minni... Hann Bjöggi minn sem er mitt uppáhald þessa dagana, gaf mér svona plakat af Bob Marley - alveg eins og þessa mynd!!! Ég suðaði oft um hana hérna fyrir nokkrum árum og nokkrir aðrir víst líka. Haldiði svo bara ekki að þessi elska hafi sagt mér að koma við heima hjá sér þar sem hann væri með gjöf handa mér - ég var alveg græn og svo þegar hann kom með plakatið, já ég get eiginlega ekki líst tilfinningum mínum... Þið getið ekki ímyndað ykkur hvað mér þykir vænt um þetta - það getur eiginlega enginn ímyndað sér það...
Fyrir ykkur sem hugsið - hmprf plakat - hvað er svona merkilegt við það??? SCREW YOU - ALL OF YOU

En annars er lífið bara eins og það er - ciao

Jæja kannski maður skrifi smá fyrst maður er fastur inni eins og fífl...  Ég fór síðastliðinn föstudag á tónleika með JET BLACK JOE - það voru held ég barasta bestu tónleikar sem ég hef farið á... allavega hef ég aldrei verið í annarri eins geðshræringu á tónleikum áður, enda fékk Brynja greyið aðeins að finna fyrir því... Ég var bara OMG og vá - hver þarf á karlmönnum að halda og svo reyndar hló hún mikið yfir því hvað ég varð fúl þegar hann tileinkaði lagið Let´s stay together til Rutar Róberts... Oj gubbi gubb - það er ógeðs- flugfreyju- konan- hans... (Reyndar miklu fallegri en ég - en ábyggilega ekki með stærri brjóst )
Ég var líka alltaf bara alveg við það að gráta og hringdi í hina og þessa þegar góð lög voru - Lilja á Hrauninu fékk smá sýnishorn, Fanney Dögg líka og Brissi meira að segja...
Það voru einhverjir efasemdarpúkar sem voru með einhvern skæting út í Gospelkórinn - en vitiði, þessi kór er náttúrulega rugl líka, þvílíkar raddir og svo í laginu You ain´t here þá sungu Edgar Smári og ein ljóshærð upp til helvítis ( ég veit öfugmæli ) og maður var bara með gæsahúð dauðans... Ég get ekki beðið eftir DVD disknum - veit ekkert  hvort hann kemur en það er bara eins gott... Hei já - Sigriður Guðna söng líka og vá hvað það var flott hjá henni...

Jæja ætla að halda áfram að setja inn myndir á síðuna hennar Júlíu Jöru sem steinsefur hérna inn í herbergi... KISS KISS
P.S. Til hamingju með afmælið Fríða Björg

Ákvað að setja betrumbætta mynd af skrípinu og svo tvær þar sem hún er búin að stela gelraugunum hennar Stellu og ekkert smá montin með það... emjaði úr hlátri þegar ég sá þær...

Ég á svo ótrúlega fyndið barn - henni dettur ótrúlegustu hlutir í hug... Þetta er það nýjasta - hún verður að vera í bikinípilsinu utan yfir sokkabuksurnar sínar... Veit samt ekki alveg hvað þetta er í munninum á henni en allavega - ótrúleg stelpa - vá hvað ég sakna hennar

Jæja stressið farið að segja ansi mikið til sín - er búin að læra stanslaust í 4 og hálfan dag og finnst eins og ég kunni ekki neitt... Það kemur í ljós á milli 9 og 12 á morgun hvernig mér gengur...
En gleðifréttir dagsins eru þær að mor og far - uppáhalds mamma mín og pabbi eru búin að gefa grænt ljós á að ég taki Skugga - Svein heim í sumar og byrji að temja hann og þá get ég séð hvort ég vilji ekki örugglega kaupa hann...
Ekki það að það þarf eitthvað mikið til þess að hann verði ekki góður þar sem að hann er bróðir Kardinála og undan Órator... Hann hlýtur að verða góður...
En jæja wish me luck...

jæja, hvernig er það er ekkert að ske þarna úti? ég er ekkert að sjá neitt aksjón í bloggheiminum - hmm er ég kannski sú sem er á milli tannanna á fólki? hmm það er spurning - ég er allavega að drukkna í ketósum, aldósum, hexósum, fituefnum (ætti nú að kunna á þau), sellulósa, sterkjum, og mörgu fleiru í þeim dúr - erfiðast er þó sítrónusýruhringurinn og glýkólýsan...

En ég get ekki beðið eftir föstudeginum, vera búin í lífefnafræðiprófinu og HITTA JÚLÍU... hún er mitt líf skal ég ykkur segja...

Æi ég hef ekkert að segja...